عمرہ زائرین کے لئے کورونا ویکسین ایس اوپیز پر مبنی ٹریول ایڈوائزری جاری

سعودی جنرل اتھارٹی برائے سول ایوی ایشن نے تمام ایئرلائنز کو ہدایت نامہ جاری کر دیا ہے۔ ہدایت نامہ کے مطابق ویکیسین کی مکمل ڈوز کی تصدیق کے لئے سرکاری سرٹیفکیٹ کی موجودگی بھی لازمی قرار دی گئی ہے۔ سرٹیفکیٹ سعودیہ کے لئے منظورشدہ کسی ایک ویکسین کی مکمل ڈوز پر مبنی ہونا لازمی قرار دی گئی ہے۔ منظور شدہ ویکسین میں ایسٹرازینیکا، فائزر، موڈرنا اور جانسن اینڈ جانسن شامل ہیں۔ منظور شدہ ویکسین کی مکمل ڈوز کے بغیر عمرہ زائرین کو پروازمیں سوار نہ کیا جائے۔ ویکسین کی مکمل ڈوز کا سرٹیفکیٹ سعودی ایئر پورٹس پر متعلقہ حکام کو پیش کرنا ہو گا۔ مسافر کی روانگی سے 72 گھنٹے قبل کی کورونا نیگیٹو پی سی آر رپورٹ ہونا بھی لازمی قرار دیا گیا ہے۔ ہدایت نامے کی خلاف ورزی کے ذمہ دار کے خلاف قانونی کارروائی کی جائے گی۔